დავით მათიკაშვილი - 11 წელია „ნაციონალური მოძრაობა“ და მისი ბელადი სააკაშვილი ტყუილებით და თვალთმაქცობით ცდილობს საზოგადოებას სადიზმით გაჟღენთილი წლები დაავიწყოს

საპარლამენტო უმრავლესობის წევრის დავით მათიკაშვილის განცხადებით, 11 წელია „ნაციონალური მოძრაობა“ და მიხეილ სააკაშვილი ტყუილებით და თვალთმაქცობით, ფაქტების მოდელირებით ცდილობს საზოგადოებას დაავიწყოს სადიზმით და კაცთმოძულებით გაჟღენთილი წლები.

პლენარულ სხდომაზე გამოსვლისას მათიკაშვილმა „ნაციონალური მოძრაობის“ მმართველობის წლები გაიხსენა და განაცხადა, რომ მართლმსაჯულება და სამართალი, ნელი ტემპით, თუმცა მაინც საბოლოოდ თავის მიზანს აღწევს .

„ჩვენი საზოგადოება, ქართული თუ ევროპული სასამართლო ინსტანციებიდან კვლავაც იგებს შემაძრწუნებელ ამბებს სააკაშვილის ტირანული რეჟიმის დანაშაულების“, - განაცხადა დეპუტატმა.

მან ყოფილი პატიმრის აკაკი ოჩიგავას საქმე გაიხსენა, რომლის მიმართ არაადამიანური მოპყრობისა და წამების ფაქტი 2023 წლის 17 თებერვალს სტრასბურგის ევროპულმა სასამართლომ აღიარა.

„ამ ყველაფრის ფონზე, როგორი ასატანია ამ სადისტური რეჟიმის მხრიდან მუდმივი და უწყვეტი ციკლი ტყუილებისა, თითქოს „გულაგების პრეზიდენტი“ სააკაშვილი, საქართველოს და ევროპული სასამართლოების მიერ დადასტურებული არაერთი დანაშაულისთვის სრულიად სამართლიანად რომ იხდის სასჯელს ოროთახიან სამოქალაქო კლინიკაში, კვალიფიციური ექიმების და ოჯახის წევრების გარემოცვაში, განიცდის წამებას და არაადამიანურ მოპყრობას. დიახ, „გულაგების პრეზიდენტ“ სააკაშვილის მანიპულაცია და სასჯელის ამგვარ პირობებში მოხდისთვის წამების კვალიფიკაციის მინიჭება წამების მსხვერპლთა იმ ადამიანების შეურაცხყოფაა, რომლებსაც მისი რეჟიმი წლების განმავლობაში ანადგურებდა“, - განაცხადა დავით მათიკაშვილმა.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?