პაატა დავითაია - ლუკაშენკოს მიერ აფხაზეთის დამოუკიდებელ სახელმწიფოდ მოხსენიება, არის ჩვენი სახელმწიფო სუვერენიტეტის შელახვა და მიანიშნებს, რომ ე.წ. სამოკავშირეო სახელმწიფოს შექმნის გეგმა უკვე ამოქმედდა

ოფიციალური შეხვედრები მინსკში ბელარუსის პრეზიდენტს და აფხაზეთის სეპარატისტული რეჟიმის ლიდერებს შორის და ამ შეხვედრებზე, ლუკაშენკოს მიერ ჩვენი ოკუპირებული ტერიტორიების, აფხაზეთის დამოუკიდებელ სახელმწიფოდ მოხსენიება, არის ჩვენი სახელმწიფო სუვერენიტეტის შელახვა, რაზედაც საქართველოს საგარეო საქმეთა სამინისტრომ სასწრაფო და მკვეთრი რეაგირება უნდა მოახდინოს , - ამის შესახებ პარტია „ევროპელი დემოკრატების“ თავმჯდომარემ, პაატა დავითაიამ განაცხადა.

დავითაიას თქმით, საქართველოს ხელისუფლებამ უნდა დააფიქსიროს მკვეთრი უკმაყოფილება და პოზიცია ბელარუსის პრეზიდენტის მიერ გაკეთებულ განცხადებებთან დაკავშირებით.

„საქართველოს სახელმწიფოს წინააღმდეგ ბრძოლაში რუსეთთან ერთად უკვე აქტიურად ჩაერთო ბელარუსიც. რამდენიმე თვის წინ, ლუკაშენკოს ვიზიტი აფხაზეთში და ახლა უკვე აფხაზეთის სეპარატისტული მთავრობის ლიდერების ასლან ბჟანიას და ინალ არძინბას მინსკში ვიზიტი, საუბრები ეკონომიკურ პროექტებზე და დაახლოებაზე, არის ჩვენი სახელმწიფოს წინააღმდეგ გადადგმული ნაბიჯები და აშკარად მიანიშნებს, რომ ე.წ. სამოკავშირეო სახელმწიფოს შექმნის გეგმა უკვე ამოქმედდა.

მოვუწოდებ საქართველოს მთავრობას, აფხაზეთთან დაკავშირებით რუსეთის გააქტიურების ფონზე, დუმილის რეჟიმში ყოფა და ამ ქმედებების არშემჩნევა, არის დანაშაული. ეს არის რუსეთის მზაკვრული გეგმის - საქართველოს ოკუპირებული ტერიტორიების ანექსიის დასაწყისი.

მინსკში გამართულ შეხვედრებთან დაკავშირებით საქართველოს მთავრობამ, საგარეო საქმეთა სამინისტრომ დეტალური ინფორმაცია უნდა მიაწოდოს ჩვენს საერთაშორისო პარტნიორებს. გააკეთოს მკვეთრი რეაგირება ბელარუსის პრეზიდენტის მიერ გაკეთებულ განცხადებებზე - საგარეო საქმეთა სამინისტროს მიერ უნდა გაიგზავნოს დიპლომატიური ნოტა, ან მოხდეს კონსულტაციებისთვის ბელარუსში საქართველოს ელჩის გამოთხოვა“, - აცხადებს პაატა დავითაია.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო