ანჯეი დუდა აცხადებს, რომ ჯო ბაიდენის კიევში ვიზიტი “არაჩვეულებრივი ჟესტი” იყო
პოლონეთის პრეზიდენტმა ანჯეი დუდამ აშშ-ის პრეზიდენტს ჯო ბაიდენს უკრაინაში ვიზიტისთვის მადლობა გადაუხადა.
ვარშავაში ორი ქვეყნის ლიდერის შეხვედრის დაწყებამდე დუდამ აღნიშნა, რომ ბაიდენის კიევში ვიზიტი “არაჩვეულებრივი ჟესტი” იყო, რომელმაც რუსეთის შეჭრის წინააღმდეგ მებრძოლი უკრაინელების საბრძოლო სული გააძლიერა.
“მნიშვნელოვანი სიგნალი იყო, რომ თავისუფალმა სამყარომ ისინი არ დაივიწყა, რომ თავისუფალმა სამყარო და მისი უდიდესი ლიდერი, შეერთებული შტატების პრეზიდენტი, მათ გვერდით დგას”, - თქვა დუდამ.
პოლონეთის პრეზიდენტის თქმით, რუსეთის მიერ საერთაშორისო წესების დარღვევისა და უკრაინის მშვიდობიანი მოსახლეობის და ინფრასტრუქტურის წინააღმდეგ თავდასხმების ფონზე აღნიშნულმა ვიზიტმა მოსკოვსაც გაუგზავნა სიგნალი.
დუდამ თავისი ქვეყნის მოქალაქეების სახელითაც გამოხატა მადლიერება.
“მჯერა, რომ პოლონელი ხალხი აღიქვამს ამას, როგორც იმ წვლილის დაფასებას, რომელიც ჩვენ შევიტანეთ უსაფრთხოების მშენებლობაში ევროპის ჩვენს ნაწილში”, - თქვა დუდამ.
