თან გვეუბნებიან, რომ რუსეთს ვიზები გავუჩეროთ, ყველაფერი ჩამოვართვათ და გადავკეტოთ, შემდეგ დიდი ორკესტრირებული აჟიოტაჟი ტყდება, რომ ვიღაც ჟურნალისტი, მწერალი თუ მხატვარი არ შემოუშვეს, - ეს განცხადება შს მინისტრმა ვახტანგ გომელაურმა ჟურნალისტებთან გააკეთა.
ამ კონტექსტში გომელაურმა აღნიშნა, რომ ევროპის ქვეყნებში საქართველოს ძალიან ბევრ მოქალაქეს არ უშვებენ.
“არასდროს მინახავს ჩვენი ოპოზიციის წარმომადგენლები ან არასამთავრობოები, რომ ამის შესახებ ეთქვათ, რა ხდება, როდესაც ჩვენი მოქალაქე რომელიღაც ქალაქის აეროპორტში სამი დღე მშიერი ზის და ქვეყანაში არ უშვებენ - რა ხდება ან ელჩს დაუძახონ არ რაღაც“, - აღნიშნა ვახტანგ გომელაურმა.
მისივე თქმით, “წელს 13 ათასით უფრო მეტი რუსეთის მოქალაქე გავიდა, ვიდრე შემოვიდა“
“მთლიანობაში არის რაღაც პატარა სხვაობა. სხვაობა 60 ათასი შეიძლება იყოს. მილიონები არ არის, რასაც ხაზს უსვამენ. შეიძლება სხვაობა იყოს 60 ათასი, ვინც ომის დაწყებიდან შემოვიდა და რაც დღემდე გავიდა. ის, რომ საქართველო რუსებით გაივსო, რაღაც საფრთხეებია და რატომ არ ვაკონტროლებთ - ეს არასწორია“, - განაცხადა ვახტანგ გომელაურმა.