რა უნდა გამოვრიცხო, რომ ხვალ გახარიას, გომელაურის ან ვიღაცის წინააღმდეგ გამოძიება არ დაიწყება?! ეს როგორ უნდა გამოვრიცხო? - ხვალ შეიძლება რაღაც გარემოება იყოს და მათ შორის პროკურატურამ გამოძიება დაიწყოს, - ასე უპასუხა შს მინისტრმა ვახტანგ გომელაურმა ჟურნალისტის კითხვას, ყოფილი პრემიერ-მინისტრის გიორგი გახარიას განცხადებების გათვალისწინებით თუ გამორიცხავს მის წინააღმდეგ გამოძიების დაწყებას.

როგორც გომელაურმა აღნიშნა, გამოძიების დაწყებას არც საკუთარ თავთან დაკავშირებით გამორიცხავს.

“გამოძიება შეიძლება ვიღაცამ ჩემზეც დაიწყოს - რა პრობლემაა? ვიღაცამ რაღაც დამაბრალოს, რომ ეს გააკეთა და გამოძიება დაიწყოს. ასეთი არა ერთი დაწყებულა და გამოვუკითხივარ. ჩემი მხრიდან არასერიოზული იქნება, რომ გამოვრიცხავ ვიღაცაზე გამოძიება დაიწყოს. ის თუ რა განცხადება გააკეთა გიორგი გახარიამ, ამაზე კომენტარის გაკეთება არ მინდა“, - განაცხადა ჟურნალისტებთან ვახტანგ გომელაურმა.