ქართულ-ამერიკული სკოლა „პროგრესი“ ამერიკის საელჩოსთან პარტნიორობით და საქართველოს განათლებისა და მეცნიერების სამინისტროს მხარდაჭერით ესეების კონკურსს აცხადებს.
ქართულ-ამერიკული სკოლა „პროგრესის“ ინფორმაციით, საქართველოს მაშტაბით X, XI და XII კლასის მოსწავლეებს შესაძლებლობა აქვთ, მონაწილეობა მიიღონ კონკურსში თემაზე “ჩემი ქვეყნის დემოკრატიული მომავალი”.
„რეგისტრაცია 24 თებერვალს 18:00 საათზე დასრულდება.
ესეების კონკურსი 1921 წლის 23 თებერვალს საბჭოთა კავშირის წინააღმდეგ მებრძოლი იუნკერების ხსოვნას ეძღვნება. მისი მიზანი მოსწავლეებში დემოკრატიული ღირებულებების პოპულარიზაციაა.
ნამუშევრების წარდგენა/დაწერა შესაძლებელია როგორც ქართულ, ისე ინგლისურ ენაზე.
პირველ ადგილზე გასული ესეს ავტორი აგვისტოში, ამერიკის შეერთებულ შტატებში, გაეროს კონფერენციაზეც "CHANGE THE WORLD - MODEL UN CONGERECE“-ზე გაემგზავრება.
პირველი, მეორე და მესამე ადგილის მფლობელები მიიღებენ ამერიკის საელჩოს სერტიფიკატებს, ასევე ქართულ-ამერიკული სკოლა პროგრესისგან მიიღებენ American High School (AP) პროგრამის კურსზე სრულ დაფინანსებას და შესაბამის ამერიკულ აკრედიტირებულ დიპლომს.
რეგისტრაცია შესაძლებელია ბმულზე: https://bit.ly/3lHiNU8 “,- აღნიშნულია ინფორმაციაში.
