ჯო ბაიდენი - აშშ დაიცავს ნატო-ს თითოეულ სანტიმეტრს

აშშ-ის პრეზიდენტი ჯო ბაიდენი ნატო-ს აღმოსავლეთ ნაწილის მეთაურებს შეხვდა. ინფორმაციას ამის შესახებ CNN-ი ავრცელებს.

ბაიდენისა და “ბუქარესტის ცხრიანის” ლიდერების შეხვედრა ვარშავაში გაიმართა და მას პოლონეთის პრეზიდენტი ანჯეი დუდა თავმჯდომარეობდა.

“ჩვენი კოლექტიური უსაფრთხოების წინა ხაზზე იმყოფებით და სხვებზე უკეთ იცით ამ კონფლიქტში რა არის სასწორზე. არა მხოლოდ უკრაინისთვის, არამედ ევროპისა და მსოფლიოს მასშტაბით დემოკრატიების თავისუფლებისთვის”, - განაცხადა ბაიდენმა შეხვედრაზე.

აშშ-ის პრეზიდენტმა აღნიშნა, რომ ნატო-ს მე-5 მუხლი “წმინდა ვალდებულებაა, რომელიც აშშ-მა აიღო” და ნატო-ს ტერიტორიის ყოველი სანტიმეტრის დასაცავად ვაშინგტონის მზაობა გამოხატა.

მისი თქმით, "აბსოლუტურად ნათელია", რომ აშშ დაიცავს „ნატო-ს თითოეულ სანტიმეტრს".

ცნობისთვის, “ბუქარესტის ცხრიანი” ჩრდილოატლანტიკური ალიანსის აღმოსავლეთ ფლანგზე მდებარე ქვეყნებს მოიცავს, კერძოდ ბულგარეთს, ჩეხეთს, ესტონეთს, უნგრეთს, ლატვიას, ლიეტუვას, პოლონეთს, რუმინეთსა და სლოვაკეთს.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
„საქკაბელმა“ ენერგეტიკულ გამოფენაზე ახალი პროდუქცია წარადგინა
მედიაჰოლდინგ „ჯორჯიან თაიმსის” ბიზნეს რეიტინგის XXIII დაჯილდოების ცერემონიაზე PSP-მ 3 ჯილდო მიიღო
GM PHARMA-ს მორიგი აღიარება და საერთაშორისო PIC/S GMP სერტიფიკატი