ჯო ბაიდენმა რუსეთის გადაწყვეტილებას სტრატეგიული შეტევითი შეიარაღების შესახებ ხელშეკრულებაში მონაწილეობის შეჩერების თაობაზე შეცდომა უწოდა
აშშ-ის პრეზიდენტის ჯო ბაიდენის განცხადებით, რუსეთის პრეზიდენტმა ვლადიმერ პუტინმა შეცდომა დაუშვა, როდესაც შეაჩერა რუსეთის მონაწილეობა აშშ-სა და რუსეთს შორის ბირთვული იარაღის კონტროლის ბოლო ხელშეკრულებაში.
„დიდი შეცდომა" , - განაცხადა მან მოსკოვის გადაწყვეტილებაზე კომენტირებისას.
ეს იყო ბაიდენის პირველი კომენტარი მას შემდეგ, რაც პუტინმა გამოაცხადა, რომ რუსეთი „აჩერებს“ მონაწილეობას ხელშეკრულებაში უკრაინისადმი აშშ-ის მხარდაჭერის გამო და შეერთებული შტატები და ნატოში მისი მოკავშირეები რუსეთის განადგურებაზე ღიად მუშაობაში დაადანაშაულა.
ცნობისთვის, დღეს სახელმწიფო დუმამ ერთხმად მიიღო კანონი სტრატეგიული შეტევითი შეიარაღების შესახებ ხელშეკრულებაში რუსეთის მონაწილეობის შეჩერების თაობაზე.
