თინა ხიდაშელის შეფასებით, „უცხოური გავლენის გამჭვირვალობის“ შესახებ კანონპროექტი საფრთხეს უქმნის, როგორც მედიის, ისე არასამთავრობო ორგანიზაციების ფუნქციონირებას

თავდაცვის ყოფილი მინისტრის თინა ხიდაშელის შეფასებით, „უცხოური გავლენის გამჭვირვალობის" შესახებ პარტია „ხალხის ძალის" კანონპროექტი საფრთხეს უქმნის, როგორც მედიის, ისე არასამთავრობო ორგანიზაციების ფუნქციონირებას. როგორც მან ჟურნალისტებს განუცხადა, საბოლოოდ, ეს პროცესი მათ დახურვას გამოიწვევს. "რამდენიმე სცენარით შეიძლება განვითარდეს მოვლენები იმ შემთხვევაში, თუ ორგანიზაციები უარს იტყვიან აგენტებად დარეგისტრირებაზე, მედიაორგანიზაცია იქნება თუ არასამთავრობო, ამას არ აქვს მნიშვნელობა. საბოლოოდ, ეს პროცესი მივა ამ ორგანიზაციების რეგისტრაციის გაუქმებამდე და მათ დახურვამდე. იმ შემთხვევაში, თუ დაემორჩილებიან და მაინც დარეგისტრირდებიან აგენტებად ეს ორგანიზაციები, უკვე სხვა ტიპის საფრთხეები გაჩნდება მაგალითად, დონორებთან ურთიერთობაში. რუსეთში როგორ მოხდა ის, რომ დონორები წავიდნენ, ვინმემ კი არ უთხრა, კარი დაიხურეთ და წადითო, ზუსტად ამ ფორმით მოხდა. ჩვენ ყველა ვავსებთ დეკლარაციას, როდესაც პარტნიორ ქვეყნებს დაფინანსებისთვის მივმართავთ, სადაც უნდა ჩაწერო ვინმეს ვალი გაქვს თუ არა, დანაშაული გაქვს ჩადენილი თუ არა, დღეს ძალიან თამამად ვამბობთ ამას და ვაწერთ ხელს ამ დეკლარაციას, ხვალ ასეთი მარტივი არ იქნება. მერე ეს ბუნებრივად იწვევს იმ პროცესს, რაც რუსეთში მოხდა",-განაცხადა ხიდაშელმა.

ცნობისთვის, „ხალხის ძალის“ დეპუტატების მიერ პარლამენტში წარდგენილი კანონპროექტით, „უცხოური გავლენის გამჭვირვალობის უზრუნველყოფის მიზნით“ უცხოური გავლენის აგენტების რეესტრი შეიქმნება, სადაც ყველა ის არასამეწარმეო იურიდიული პირი და მედიასაშუალება დარეგისტრირდება, რომელთა შემოსავლების 20%-ზე მეტი უცხოური ძალების მიერ ფინანსდება.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024