24 თებერვალს, „ჯორჯიან უოთერ ენდ ფაუერი“ ვაკის რაიონში, ზურაბ ანჯაფარიძის ქუჩაზე, წყალმომარაგების სტაბილურობისთვის აუცილებელ სამუშაოებს ჩაატარებს.

„ჯორჯიან უოთერ ენდ ფაუერის“ ინფორმაციით, გადაუდებელი ტექნიკური სამუშაოები 24 თებერვალს, 14:00 საათიდან დაიწყება, მთელი დღის განმავლობაში ინტენსიურ რეჟიმში შესრულდება.

„აღნიშნულთან დაკავშირებით აუცილებელია მაგისტრალური ქსელის წყლისგან დაცლა, რის გამოც ხვალ, 24 თებერვალს, 14:00 საათიდან საღამოს 20:00 საათამდე წყალმომარაგება შეეზღუდება:

ვაკე-საბურთალოს რაიონში - ვაჟა-ფშაველას IV, VI და VII კვარტლებს, ვაჟა-ფშაველას გამზირის ნაწილს, სანდრო ეულის (ზურაბ ანჯაფარიძის), შავიშვილის, ნადირაძის, თოფურიას, მამასახლისოვის ქუჩებს, ქავთარაძის და ნუცუბიძის ქუჩების ნაწილს, ქავთარაძის II, III, IV შესახვევს და უნივერსიტეტის ქუჩა N24-ს.

„ჯორჯიან უოთერ ენდ ფაუერი“ ბოდიშს უხდის მომხმარებლებს დისკომფორტისთვის.

წყალმომარაგების შეზღუდვისა და აღდგენის შესახებ ინფორმაციას, ჯორჯიან უოთერ ენდ ფაუერი აბონენტებს წინასწარ, SMS-შეტყობინების სახით უგზავნის. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუქისა და ვებგვერდის მეშვეობით http://www.gwp.ge“, - ნათქვამია ინფორმაციაში.