რუსეთში „სუ-25“ ტიპის სამხედრო თვითმფრინავი ჩამოვარდა
რუსეთში, ბელგოროდის ოლქში „სუ-25“ ტიპის მოიერიშე თვითმფრინავი ჩამოვარდა, - ინფორმაციას რუსული მედია ადგილობრივ ხელისუფლებაზე დაყრდნობით ავრცელებს.
თავდაპირველად გავრცელებული ინფორმაციით, მფრინავმა კატაპულტირება მოახერხა, თუმცა, მოგვიანებით, რუსეთის თავდაცვის სამინისტრომ გაავრცელა ინფორმაცია, რომ ის დაიღუპა.
ჩამოვარდნის შედეგად თვითმფრინავს ცეცხლი გაუჩნდა და ცეცხლი სამეურნეო ნაგებობასაც მოედო.
შეგახსენებთ, ბელგოროდის ოლქი უკრაინის საზღვართან ახლოს მდებარეობს.
