აშშ-ის ჩრდილო-დასავლეთ ნაწილში უამინდობაა. ძლიერი ქარისა და ინტენსიური თოვის გამო დაკოტას, მინესოტასა და უისკონსინის შტატებში ასობით სკოლა დაიხურა, გადაიდო 1 700-ზე მეტი ავიარეისი.

აშშ-ის ხელისუფლება ქვეყნის 50 მილიონზე მეტ მოქალაქეს განსაკუთრებული სიფრთხილის გამოჩენისკენ მოუწოდებს. ქვეყნის ცალკეულ შტატებში თოვლის საფარმა 60 სანტიმეტრს მიაღწია, რამაც გზებზე გადაადგილების პრობლემა შექმნა.

სინოპტიკოსები უამინდობას მომდევნო დღეებშიც ვარაუდობენ.