შალვა პაპუაშვილი რადაზე - ამ ერთი წლის განმავლობაში ჩვენ დავამტკიცეთ, რომ ჩვენს პარლამენტებსა და კოლეგებს შორის ურთიერთობა არის თბილი და ამ თბილ ურთიერთობას ვუფრთხილდებით

როცა საუბრობთ უკრაინის პარლამენტზე, მე მგონი მათი მხრიდან არ მოგისმენიათ რაიმე საყვედური სოლიდარობის მხრივ. აი, ეს არის სამწუხარო, რომ ქართველი პოლიტიკოსები და ქართული მედია აღმოჩნდა ის სეგმენტი, რომელიც ამ თემის განსაკუთრებით გამწვავებას ცდილობს, - ამის შესახებ პარლამენტის თავმჯდომარემ შალვა პაპუაშვილმა ჟურნალისტებთან საუბრის დროს განაცხადა.

როგორც შალვა პაპუაშვილმა აღნიშნა, საქართველოს და უკრაინის პარლამენტებს შორის ურთიერთობა არის თბილი და ამ ურთიერთობას განსაკუთრებულად უფრთხილდებიან.

მისი თქმით, ამ ერთი წლის განმავლობაში იყო უკრაინის მაღალჩინოსნების მხრიდან განცხადებები, რომ საქართველოში არის ადამიანის წამების რეჟიმი და როდესაც ამ ბრალდებებზე არ არის რეაგირება, თუნდაც არასამთავრობო ორგანიზაციების მხრიდან, ეს არის ძალიან სამწუხარო ფაქტი.

,,ამ ერთი წლის განმავლობაში ჩვენ დავამტკიცეთ, რომ ჩვენს პარლამენტებსა და კოლეგებს შორის ურთიერთობა არის თბილი და ამ თბილ ურთიერთობას ვუფრთხილდებით. სამწუხაროდ, ზოგიერთი უკრაინელი მაღალჩინოსნის მხრიდან იყო განცხადებები და ბრალდებები, სადაც საქართველოს პირდაპირ აბრალებენ, რომ აქ არის ადამიანის წამების რეჟიმი. როდესაც თქვენს სამშობლოს, თქვენს ქვეყანას აბრალებენ ამას და როცა ყველამ იცის, რომ ეს არის ტყუილი და არავინ, ჩვენი ოპონენტები არ იღებს ხმას და თუნდაც არასამთავრობო ორგანიზაციები ამ მხრივ ჩვენს გვერდით არ გვიდგანან, ეს არის საწყენი. მაგრამ მიუხედავად ამ ყველაფრისა, არც ერთხელ ჩვენ ხელი არ აგვკანკალებია, რომ მხარი დაგვეჭირა უკრაინისთვის, სოლიდარულები ვყოფილიყავით მათ მიმართ სიტყვით, თუ საქმით,’’ - განაცხადა პაპუაშვილმა.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
„საქკაბელმა“ ენერგეტიკულ გამოფენაზე ახალი პროდუქცია წარადგინა
მედიაჰოლდინგ „ჯორჯიან თაიმსის” ბიზნეს რეიტინგის XXIII დაჯილდოების ცერემონიაზე PSP-მ 3 ჯილდო მიიღო
GM PHARMA-ს მორიგი აღიარება და საერთაშორისო PIC/S GMP სერტიფიკატი