ჩინეთში, შიდა მონღოლეთის რეგიონში მეწყრის შედეგად ქვანახშირის მაღაროში დაღუპულთა რიცხვი 5-მდე გაიზარდა. შემთხვევის შედეგად დაშავებულთა რაოდენობა კი 48-ს შეადგენს. ჩინეთის სახელმწიფო მედიის ინფორმაციით, მაშველები მაღაროში ჩარჩენილი მუშების ამოყვანას ინტენსიურ რეჟიმში ცდილობენ. სამუშაოებში ჩართულია ასობით მეხანძრე, მაშველი, ძაღლები და სპეციალური ტექნიკა. როგორც ცნობილია, რამდენიმე ადამიანი მაღაროში 500 მეტრის სიღრმეზე იმყოფება.