შიიტი მუსლიმები მესამე იმამის, ჰუსეინის დაბადების დღეს აღნიშნავენ
რელიგიის საკითხთა სახელმწიფო სააგენტოს ინფორმაციით, დღეს შიიტი მუსლიმები მესამე იმამის, ჰუსეინის დაბადების დღეს აღნიშნავენ.
„იმამი ჰუსეინი იყო წინასწარმეტყველ მუჰამადის შვილიშვილი, იმამ ალის მეორე ვაჟი. იმამ ჰუსეინი ქალაქ მედინაში, 626 წელს დაიბადა და 680 წელს, ქარბალასთან, ტრაგიკულად დაიღუპა.
იმამ ჰუსეინის მიმართ სიყვარული თითოეული შიიტისთვის არის ისლამის მიმართ სიყვარული, სადაც აქცენტი კეთდება მის სულიერ შემადგენელზე.
რელიგიის საკითხთა სახელმწიფო სააგენტო საქართველოს შიიტ მუსლიმებს ამ დღეს ულოცავს. სიკეთესა და ბედნიერებას უსურვებს მათ“, - ნათქვამია რელიგიის საკითხთა სახელმწიფო სააგენტოს ინფორმაციაში.
