მაკა ბოჭორიშვილმა ეუთო-ს საპარლამენტო ასამბლეის ზამთრის სესიაში მიიღო მონაწილეობა

ეუთო-ს საპარლამენტო ასამბლეაში საქართველოს პარლამენტის მუდმივმოქმედი დელეგაციის წევრმა, ევროპასთან ინტეგრაციის კომიტეტის თავმჯდომარემ, მაკა ბოჭორიშვილმა ეუთო-ს საპარლამენტო ასამბლეის ზამთრის სესიაში მიიღო მონაწილეობა.

პარლამენტის ინფორმაციით, სიტყვით გამოსვლისას მაკა ბოჭორიშვილმა ევროპაში უსაფრთხოების გამოწვევებზე, რუსეთის მიერ საქართველოს ტერიტორიების ოკუპაციაზე და მშვიდობისა და უსაფრთხოების უზრუნველსაყოფად საერთაშორისო საზოგადოების ერთიანობისა და საერთო ძალისხმევის მნიშვნელობაზე ისაუბრა.

„ერთი წელი გავიდა მას შემდეგ, რაც უკრაინის წინააღმდეგ რუსეთის აგრესიული ომი ძირს უთხრის ევროპის უსაფრთხოებას. საქართველომ არაერთხელ გამოსცადა რუსული აგრესია. საქართველოს ტერიტორიების ნაწილი დღესაც ოკუპირებულია და რუსული სამხედროების ყოფნას აფხაზეთსა და ცხინვალში არც გამართლება აქვს და არც სამართლებრივი საფუძველი“, - განაცხადა მაკა ბოჭორიშვილმა.

მისი თქმით, ასი ათასობით ადამიანი არის იძულებით გადაადგილებული და მათ უნდა ჰქონდეთ საკუთარ სახლებში დაბრუნების უფლება, მიუღებელია ის ხელოვნური საზღვრები, რაც ჰყოფს ქვეყანას, ოჯახებს და ადამიანებს შორის კავშირებს უშლის ხელს. მან ასევე ისაუბრა ადამიანის უფლებათა ევროპული სასამართლოსა და სისხლის სამართლის საერთაშორისო სასამართლოს გადაწყვეტილებებზე, რაც ასევე ადასტურებს რუსეთის პასუხისმგებლობას.

„სახელმწიფოები არ უნდა ისჯებოდნენ სუვერენული უფლებისთვის, თავად განსაზღვრონ საკუთარი მომავალი. ჩვენ გვაქვს სუვერენული არჩევანის უფლება. რუსეთს არ უნდა მიეცეს საშუალება, თავისი აგრესიული პოლიტიკით ძირი გამოუთხაროს მეზობელი სახელმწიფოების სუვერენიტეტს, ტერიტორიულ მთლიანობასა და დამოუკიდებლობას“, - განაცხადა მაკა ბოჭორიშვილმა.

ეუთო-ს საპარლამენტო ასამბლეის ზამთრის სესია ავსტრიის რესპუბლიკაში, ქალაქ ვენაში 23-24 თებერვალს გაიმართა.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე