მინდა მადლობა გადავუხადო ჩვენს გმირ მაშველებს, სამაშველო სამსახურს, მის ხელმძღვანელობას, ბატონ ვახტანგს, ყველას, ვინც ჩართული იყო სამაშველო ღონისძიებებში, - ამის შესახებ, პრემიერ-მინისტრმა ირაკლი ღარიბაშვილმა თურქეთის რესპუბლიკაში, მიწისძვრით დაზარალებულ ჰათაის პროვინციაში, ქალაქ ანთაქიაში განაცხადა.
როგორც პრემიერ-მინისტრმა აღნიშნა, ქართველმა მაშველებმა რამდენიმე ადამიანს გადარჩენა შეძლეს.
"მე მინდა ვთქვა, რომ ჩვენი გმირი მაშველები არიან აქ ადგილზე. ჩვენ იმავე დღეს გამოვგზავნეთ მაშველები, რომლებიც ადგილზე თავიანთი ტექნიკით ჩამოვიდნენ. სამი ადამიანის გადარჩენა შეძლეს, სამწუხაროდ, 80-ზე მეტი გარდაცვლილი აღმოაჩინეს. მე მინდა მადლობა გადავუხადო ჩვენს გმირ მაშველებს, სამაშველო სამსახურს, მის ხელმძღვანელობას, ბატონ ვახტანგს, ყველას, ვინც ჩართული იყო სამაშველო ღონისძიებებში. მე ღრმად დარწმუნებული ვარ, რომ გონიერი და ძლიერი ლიდერის, ბატონი ერდოღანის ლიდერობით, თურქი ხალხი ამ განსაცდელს დაძლევს შეძლებს და კიდევ უფრო ძლიერი გამოვა ამ პრობლემიდან“, - განაცხადა პრემიერმა.