მამუკა ხაზარაძე - უკრაინა ამ წელს აუცილებლად გაიმარჯვებს და ერთად ვიზეიმებთ თავისუფლებას და დამოუკიდებლობას ამ არაჩვეულებრივ ერთან ერთად
მინდა, ერთიანობისკენ მოვუწოდო ყველას - თუ არ გავერთიანდით, სასწრაფოდ არ ავაშენეთ სახელმწიფო, რომელიც ჩვენ გვეკადრება, ვერ გავუმკლავდებით გამოწვევებს, რომელიც ისტორიულად გვქონდა და მომავალშიც გვექნება რუსეთისგან, - ამის შესახებ „ლელოს“ ლიდერმა მამუკა ხაზარაძემ ირპენიდან გავრცელებულ ვიდეო-მიმართვაში განაცხადა.
მისი თქმით, უკრაინა ომში ამ წელს აუცილებლად გაიმარჯვებს.
„ვიმყოფებით ირპენში, სადაც 1 წლის წინ დაიწყო ომი. ეს არის ფრაგმენტი იმ დანაშაულებრივი ქმედებისა, რომელიც რუსეთის არმიამ ჩაატარა. მინდა, ჩვენს ერს, ხალხს მოვუწოდო - თუ არ გავერთიანდით, სასწრაფოდ არ ავაშენეთ სახელმწიფო, რომელიც ჩვენ გვეკადრება და არ გავაკეთეთ ის, რაც საქართველოს გააერთიანებს, შექმნის ძლიერ თავდაცვას და ეკონომიკას, ვერ გავუმკლავდებით გამოწვევებს, რომელიც ისტორიულად გვქონდა და მომავალშიც გვექნება რუსეთისგან. მინდა ერთიანობისკენ მოვუწოდო ყველას - საუბარია არა პოლიტიკური პარტიების გაერთიანებაზე, არამედ საზოგადოების გაერთიანებაზე, რათა ჩვენი მომავალი ჩვენ გვეკუთვნოდეს და ჩვენი შვილების მშვიდობა უზრუნველვყოთ.
უკრაინა ამ ომში აუცილებლად გაიმარჯვებს. მინდა, სოლიდარობა, რომელიც ჩვენ მათ მიმართ გამოვხატეთ, იყოს იმის განმამტკიცებელი, რომ ქართველი ერი ყოველთვის იდგება იქ, სადაც მეგობარს უჭირს. ჩვენ უკრაინელების გვერდით ვდგავართ. უკრაინა ამ წელს აუცილებლად გაიმარჯვებს და ერთად ვიზეიმებთ თავისუფლებას და დამოუკიდებლობას ამ არაჩვეულებრივ ერთან ერთად. წარმატებები უკრაინას!“,- განაცხადა მამუკა ხაზარაძემ.
This is a modal window.
v-if="article.gallery" v-html="article.gallery"
