გემების ინსპექტირების აპლიკაციამ უსაფრთხოების დაჯილდოებაში გაიმარჯვა

APM Terminals-ის მიერ შექმნილმა გემების ინსპექტირების აპლიკაციამ გაიმარჯვა კონკურსში, სადაც მხოფლიო მასშტაბით სხვადასხვა კომპანიამ წარადგინა უსაფრთხოების კუთხით შექმნილი ინოვაციური პროექტები.

APM Terminals ინფორმაციით, აპლიკაცია გამოყენებაში ჩაეშვა გასულ კვირას, ხოლო საბოლოო ვერსიის გამოქვეყნებამდე, ტექნიკური ჯგუფის მხარდაჭერით აპლიკაცია სატესტო რეჟიმში მუშაობდა.

„სხვა ტერმინალების წარმომადგენლებთან ერთად, ტექნიკური ჯგუფის შემადგენლობაში ეიპიემ ტერმინალს ფოთის უსაფრთხოების დეპარტამენტიც იყო ჩართული, რომლის მხარდაჭერითაც მოხდა აპლიკაციის ქართულ ენაზე თარგმნა. აღსანიშნავია, რომ ამჟამად აპლიკაცია ექვს ენაზეა მისაწვდომი: არაბული, ინგლისური, ფრანგული, ქართული, პორტუგალიური და ესპანური.

აპლიკაცია ეხმარება გემის ინსპექტირების შედეგად აღმოჩენილი დარღვევების ესკალაციასა და სწრაფად აღმოფხვრას, რაც უფრო უსაფრთხო გარემოს შექმნის ჩვენი თანამშრომლებისთვის.

დღეისათვის, მსოფლიო მასშტაბით, აპლიკაციის მეშვეობით განხორციელდა 23000 შემოწმება, რაც ხელს უწყობს გადამზიდი ხაზების უსაფრთხოების სტანდარტების ამაღლებას. ფოთში, განახლებული აპლიკაცია უკვე გამოყენებულია უსაფრთხოებისა და საოპერაციო დეპარტამენტის მიერ“,- ნათქვამია ინფორმაციაში.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს