გერმანია უკრაინას Leopard 2A6 ტიპის კიდევ ოთხ ტანკს გადასცემს.

ბუნდესვერის ინფორმაციით, გადაწყვეტილება გერმანიის თავდაცვის მინისტრმა ბორის პისტორიუსმა მიიღო.

მათივე განცხადებით, ეს შესაძლებელს გახდის პორტუგალიასთან და შვედეთთან ერთად ჩამოყალიბდეს ერთი სატანკო ბატალიონი 31 ტანკით.

"თავდაცვის მინისტრმა პისტორიუსმა გადაწყვიტა, ბუნდესვერის საწყობიდან უკრაინაში კიდევ ოთხი Leopard 2A6 ტანკი გაგზავნოს. ეს უკრაინისთვის მიწოდებული ტანკების რაოდენობას 14-დან 18-მდე გაზრდის და პორტუგალიასთან და შვედეთთან ერთად ხელმისაწვდომი გახდება მთლიანი ბატალიონი", - აღნიშნულია ბუნდესვერის ინფორმაციაში.