ჩვენი უბედურება ის არის, რომ იმ შემთხვევაშიც თუ „ხალხის ძალის“ კანონს არ მიიღებენ, ეს არსებითად აღარ ცვლის ჩვენს უზარმაზარ უკუსვლას, - ამის შესახებ „ევროპული საქართველოს“ თავმჯდომარე გიგა ბოკერიამ განაცხადა.

როგორც მან აღნიშნა, „ეს კანონი პუტინისტური ბუნების კიდევ ერთი გამოვლინებაა".

„გასაგებია, რომ ქართული საზოგადოების დამსახურებით, რეპრესიებითა და რეჟიმის სიმკაცრით პუტინის რუსეთს ვერ შეედრება, მაგრამ „ხალხის ძალის“ კანონი წლების წინ პუტინის მიერ მიღებულის პირდაპირი ასლია. ჩვენი უბედურება ის არის, რომ იმ შემთხვევაშიც თუ კანონს არ მიიღებენ, ეს არსებითად აღარ ცვლის ჩვენს უზარმაზარ უკუსვლას. ჩვენ დღეს, ამ ისტორიული ფანჯრის პირისპირ, ხელისუფლება გვჭირდება. ეს ფანჯარა ახლა გაიხსნა, უკრაინელი ხალხის ბრძოლის შედეგად. გვჭირდება ხელისუფლება, რომელიც ქვეყნის შიდა ამბებში რომის პაპზე მეტად კათოლიკე იქნება და საქართველოს საკითხზე, კარგი გაგებით, ყველა დასავლელ პარტნიორს შეაწუხებს. ამ ყველაფრის ნაცვლად, ახლა დისკუსია არის იმაზე, მიიღებენ თუ არა პუტინისტურ კანონს“, -განაცხადა გიგა ბოკერიამ.