ჯუანშერ ბურჭულაძე -  ცხოვრებაში „აიფონის“ მაღაზიაში ნამყოფი არ ვარ და ძველი მოდელის „აიფონი“ მაქვს - ბორჯომის ხანძარში მონაწილე სამხედროები დავაჯილდოვეთ „აიფონებით“, ასევე, დაჭრილ რამდენიმე სამხედროს ვაჩუქე

თავდაცვის მინისტრის, ჯუანშერ ბურჭულაძის განცხადებით, სამინისტრომ „აიფონები“ ბორჯომის ხანძარში მონაწილე სამხედროებს უყიდა. აღნიშნულით ბურჭულაძე ერთ-ერთი ტელეკომპანიის ეთერში გასულ ანონსს გამოეხმაურა, რომლის მიხედვითაც, უწყებამ 51 000 ლარის „აიფონის“ და 60 000 ლარის ღირებულების ალკოჰოლი იყიდა. ბურჭულაძის განმარტებით, ეს ყველაფერი წარმომადგენლობითი ხარჯია.

„ყველა ზღვარს გადასული კამპანიაა, დღეს ახალ რეპორტაჟს ამზადებენ, სრული პასუხისმგებლობით ვაცხადებ, ცხოვრებაში „აიფონის“ მაღაზიაში ნამყოფი არ ვარ და ძველი მოდელის „აიფონი“ მაქვს. სრული პასუხისმგებლობით ვაცხადებ, ჩემი მინისტრობის პერიოდში, არც ერთ სამოქალაქო პირს, სამინისტროში „აიფონი“ საჩუქრად არ მიუღია. ბორჯომის ხანძარში მონაწილე სამხედროები დავაჯილდოვეთ „აიფონებით“, ასევე, დაჭრილ რამდენიმე სამხედროს ვაჩუქე „აიფონი“. რაც შეეხება მეორე პიარკამპანიას - ალკოჰოლს, ეს იყო საჩუქარი, რომელიც სამინისტრომ საახალწლოდ დაღუპული გმირების ოჯახებს გაუკეთა.

რაც უფრო აგრძელებთ ამ შავ კამპანიას, უფრო და უფრო მეტ აბსურდში გადიხართ. იცით რა ხარჯია? მე ვიცი - წარმომადგენლობითი ხარჯია, არ იცით და მეკითხებით, არც კომპეტენცია გაქვთ, არც ტყუილის მოფიქრება შეგიძლიათ წესიერად და ამ რეალობაში ცხოვრობთ თქვენ“, - განაცხადა ჯუანშერ ბურჭულაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი