მილანში, ასოციაცია „ქართულ სახლში“, ვია სებენოკოს #31-ში, ქართული ბიბლიოთეკა გაიხსნა. ამის შესახებ ინფორმაციას საქართველოს პარლამენტის ეროვნული ბიბლიოთეკა ავრცელებს.

მათივე ცნობით, ქართული ბიბლიოთეკა მილანში საქართველოს პარლამენტის ეროვნული ბიბლიოთეკის დირექტორმა გიორგი კეკელიძემ და ბიბლიოთეკის წარმომადგენლებმა გახსნეს.

„მილანში მცხოვრები ათასობით ქართველი ემიგრანტისთვის განკუთვნილი ბიბლიოთეკის წიგნადი ფონდი რამდენიმე ასეულ გამოცემას ითვლის - უახლეს ქართულ და საქართველოს შესახებ ლიტერატურას.

ეროვნული ბიბლიოთეკა წლებია ამ მიმართულებით მუშაობს და უკვე არაერთ ქვეყანაშია ქართული ბიბლიოთეკა გახსნილი“, - აღნიშნულია ინფორმაციაში.