თურქეთი შვედეთთან და ფინეთთან ნატო-ში გაწევრიანების საკითხზე მოლაპარაკებებს 9 მარტს განაახლებს, - ამის შესახებ თურქეთის საგარეო საქმეთა მინისტრმა, მევლუთ ჩავუშოღლუმ განაცხადა.
მისი თქმით, შეხვედრა ბრიუსელში გაიმართება და ქვეყნებს შორის გაფორმებული მემორანდუმის განხორციელების საკითხი განიხილება.
შეგახსენებთ, თურქეთს, შვედეთსა და ფინეთს შორის ნატო-ში გაწევრიანების საკითხზე მოლაპარაკებები იანვარში შეწყდა, როდესაც თურქეთსა და სტოკჰოლმს შორის შვედეთში თურქეთის საელჩოსთან გამართული საპროტესტო აქციის დროს ყურანის დაწვის ინციდენტის გამო ურთიერთობა დაიძაბა.