გეგმური სარეაბილიტაციო სამუშაოების გამო, ელექტროენერგიის მიწოდება შეეზღუდება „ენერგო-პრო ჯორჯიას“ ქსელში არსებული აბონენტების ნაწილს.

უფრო კონკრეტულად, კომპანიის ცნობით, გამანაწილებელ ქსელში დაგეგმილი სარეაბილიტაციო სამუშაოების გამო 28 თებერვალს 11:00-დან 18:00 საათამდე ენერგომომარაგება დროებით შეეზღუდებათ აბონენტებს წიწამურში, საგურამოში, ხოლო 12:00-დან 15:00 საათამდე - აბონენტებს წეროვანში.

14:00-დან 17:00 საათამდე დენი გაეთიშებათ მომხმარებლებს დუშეთის მუნიციპალიტეტის სოფლებში წითელი კლდე, ჩინთი, დოლოშა, გურგალველი, ახალციხე, კენჭაკლდე, ვარცლა, საცხავატლო, მიგრიაულები, ფიჭვიანი;

16:00-დან 18:00 საათამდე - სოფლებს არაგვისპირი, ბიჩნიგაურები, ბოდორნა, აგატი, ქვემო არანისი, ჟინვალი, არანისი.

„ენერგო-პრო ჯორჯიას“ ცნობით, სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.