რუსეთის ქალაქ ბელგოროდში სამი უპილოტო საფრენი აპარატის ნამსხვრევები აღმოაჩინეს, - ამის შესახებ ქალაქის მერმა, ვალენტინ დემიდოვმა განაცხადა.
მისი თქმით, უპილოტო საფრენი აპარატების წყარო ჯერჯერობით უცნობია. არსებული ინფორმაციით არავინ დაშავებულა.
დემიდოვის მტკიცებით, ერთ-ერთი უპილოტო საფრენი აპარატი საცხოვრებელი კომპლექსის ფანჯარას შეეჯახა. იქ მცხოვრები ადამიანები უსაფრთხო ადგილზე არიან გადაყვანილი. ტერიტორიაზე შესვლა ამჟამად შეზღუდულია.
ბელგოროდის მერის ინფორმაციით, ქუჩებში კიდევ ორი თვითმფრინავის ნამსხვრევები აღმოაჩინეს. სამი მანქანა მსუბუქადაა დაზიანებული.
აღსანიშნავია, რომ ბელგორადი უკრაინის საზღვრიდან დაახლოებით 26 მილის დაშორებით მდებარეობს.