დღევანდელ რეალობაში ყველაზე დიდი „ფეიკი“ არის „ქართული ოცნება“ ხელისუფლებაში, ის მოსახლეობის უმრავლესობის აზრს არ გამოხატავს, - ამის შესახებ "სტრატეგია აღმაშენებლის" ლიდერმა გიორგი ვაშაძემ განაცხადა.

ვაშაძე გამოეხმაურა ევროკავშირის 27 ქვეყნის დემარშზე „ქართული ოცნების“ შეფასებებს, რომ ის „ფეიკზეა" დაფუძნებული და შესაძლოა, პარტნიორების გააქტიურება განპირობებული იყოს იმითაც, რომ მათზე სააკაშვილს რაღაც აქვს სათქმელი. აღნიშნულს ვაშაძემ "ფე-ეს-ბეს" და "კაგებეს" შეთქმულების თეორია და მესიჯბოქსი უწოდა.

„კაგებე"- "ფე-ეს-ბეს ამოცანას ასრულებს პირადად კობახიძე, ღარიბაშვილი, რატი „დოქსოპულო" და სხვა ადამიანები. რაც მთავარია, არ ჩანს მაგრამ მთავარ დავალებას ასრულებს ივანიშვილი.

ჩემი აზრით, დღევანდელ რეალობაში ყველაზე დიდი "ფეიკი" არის "ქართული ოცნება" ხელისუფლებაში. ის საქართველოს მოსახლეობის უმრავლესობის აზრს არ გამოხატავს. რაც შეეხება 27 ქვეყნის ერთსულოვან დემარშს, რომელიც არის უპრეცედენტო საქართველოს დამოუკიდებლობის ისტორიაში, ეს არის ძალიან მკაფიო გზავნილიც, მესიჯიც, სილის გალაწუნებაც და ყველაფერი, მაგრამ ყველაზე სასაცილო და ამაზრზენი არის, როცა მეორე მხარეს გხვდება რატი "დოქსოპულო", აი რა განსხვავებაა რატისა და დოქსოპულოს შორის? მე განსხვავებას ვერ ვხედავ, ტოლობის ნიშანს ვსვამ, ეს ადამიანი იმდენად ეშხში შევიდა პოლიტიკური დავალებების შესრულების, რომ სახე დაკარგა,"- განაცხადა ვაშაძემ.