ინალ არძინბა - ინტეგრაციულ გაერთიანებებში ჩვენ ვხედავთ პოტენციალს სუვერენიტეტის გასაძლიერებლად - რუსეთის ფედერაცია კი გვეხმარება

აფხაზეთის მთავარი ამოცანაა, საკუთარი სუვერენიტეტის გაძლიერება და ამას ინტეგრაციული ასოციაციები ემსახურებიან, -

ამის შესახებ ოკუპირებული აფხაზეთის დე ფაქტო საგარეო საქმეთა მინისტრმა ინალ არძინბამ ტელეკომპანია „როსია 24“-ის ეთერში განაცხადა.

„ინტეგრაციულ გაერთიანებებში ჩვენ ვხედავთ პოტენციალს ჩვენი სახელმწიფო სუვერენიტეტის გასაძლიერებლად, რაც ჩვენი ხალხის მრავალსაუკუნოვანი ბრძოლის შედეგია თავისუფლებისთვის. ეს არის ჩვენი ხალხის ისტორიული სამართლიანობის განსახიერება. რუსეთის ფედერაცია კი გვეხმარება ამაში“, - განაცხადა „მინისტრმა“.

მანვე აღნიშნა, რომ რუსეთი აწყობს მსგავს გაერთიანებებს სუვერენული თანასწორობის პრინციპით, განსხვავებით შეერთებული შტატებისგან, რომელიც „თავის დიქტატორულ ნებას თავის ე.წ. პარტნიორებს თავს ახვევს".

ამასთან, არძინბამ დასძინა, რომ ურთიერთობების შემდგომი განვითარება მხარეებს შორის დიალოგის დინამიკასა და სავაჭრო-ეკონომიკური კავშირების აქტიურობაზე იქნება დამოკიდებული.

ემილ ავდალიანი - ის, რაც დღეს ხდება საქართველოში თუ ქვეყნის საგარეო პოლიტიკაში, რუსეთს უნდა აწყობდეს, რადგან ასეთი შედარებით ქაოტური ვითარება მოსკოვს ბევრ საშუალებას აძლევს
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 27.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა