ენტონი ბლინკენი აცხადებს, რომ ვაშინგტონი არ დააყოვნებს დაუწესოს სანქციები ჩინურ კომპანიებს რუსეთისთვის ლეტალური დახმარების გაწევის შემთხვევაში

ვაშინგტონი არ დააყოვნებს სანქციების დაწესებას ჩინური კომპანიებისა და ფიზიკური პირების მიმართ, თუ პეკინი მოსკოვს ლეტალურ დახმარებას გაუწევს ომის საწარმოებლად. ამის შესახებ აშშ-ის სახელმწიფო მდივანმა ენტონი ბლინკენმა განაცხადა, იუწყება Sky News-ი.

ბლინკენმა განაცხადა, რომ პეკინისთვის მსოფლიოს ქვეყნებთან ურთიერთობაში სერიოზული პრობლემა გაჩნდება, თუ ეს ქვეყანა უკრაინაში, ომის გამო, რუსეთის წინააღმდეგ აშშ-ს სანქციებს დაარღვევს.

„ასე რომ, ჩვენ ყურადღებით ვადევნებთ თვალს ამას პირველი დღიდან და მიზეზი, რის გამოც წამოვწიე ეს საკითხი, არის ის, რომ ჩვენ შეშფოთებულები ვართ იმ ინფორმაციის საფუძველზე, რომელიც გაგვაჩნია, რომ ჩინეთი განიხილავს მისი ზოგიერთი კომპანიის არალეტალური მხარდაჭერიდან უკრაინაში რუსეთის სამხედრო ძალისხმევის დე ფაქტო ლეტალურ მატერიალურ მხარდაჭერაზე გადასვლას“ , - განაცხადა ბლინკენმა.

ბლინკენის თქმით, აშშ-მა ჩინეთი „ძალიან მკაფიოდ“ გააფრთხილა.

„და მე შემიძლია გაგიზიაროთ, რომ ჩვენ ძალიან მკაფიოდ გავაფრთხილეთ ჩინეთი ამგვარი მხარდაჭერის შედეგების შესახებ. ჩვენ არ მოგვერიდება, მაგალითად, ყურადღება მივმართოთ ჩინური კომპანიების ან ფიზიკური პირების მიმართ, რომლებიც არღვევენ ჩვენს სანქციებს ან სხვაგვარად არიან ჩართულნი რუსეთის სამხედრო ძალისხმევის მხარდაჭერაში“, - აღნიშნა სახელმწიფო მდივანმა.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
ალიანს ჰაილაინი, როგორც სრულყოფილი საინვესტიციო პროდუქტი
ბოლო დროის ყველაზე პოპულარული B2B პროექტი - ONFAYA, Golden Tulip Design Tbilisi-ში
სუპერმარკეტების ქსელმა „ლიბრე“ განახლებული ფილიალი გახსნა
წინანდლის მამულში საგაზაფხულო სეზონი კულტურული ღონისძიებებით გაიხსნა