ანალიტიკურ ცენტრ „ჯეოქეისს“ და ლატვიის ტრანსატლანტიკური ორგანიზაციის „LATO”-ს მიერ „ქართულ-ბალტიური მიმდინარე დიალოგი” დაფუძნდა
ანალიტიკურ ცენტრ „ჯეოქეისს“ და ლატვიის ტრანსატლანტიკური ორგანიზაციის „LATO”- ს მიერ“ ქართულ-ბალტიური მიმდინარე დიალოგი” დაფუძნდა.
ანალიტიკურ ცენტრ „ჯეოქეისის“ინფორმაციით, მის მთავარ ამოცანას წარმოადგენს, მონაწილე ქვეყნების აკადემიური წრეებისა და სხვა დაინტერესებული მხარეების ჩართულობით შეიქმნას ეფექტური სადისკუსიო ფორმატი, სადაც შესაძლებელი იქნება საერთო ინტერესის სფეროების ირგვლივ თანამშრომლობის გაღრმავება; არსებული გამოწვევების მიმართ ერთიანი მიდგომების შემუშავება; ორმხრივი და მრავალმხრივი კავშირების გაძლიერება და უკეთ თანამშრომლობისათვის ახალი იდეების გენერირება.
„მიმდინარე დიალოგის“ მუშაობაში მონაწილეობას მიიღებენ საქართველოს, ლატვიის, ლიეტუვის და ესტონეთის საქმიანობის სხვადასხვა სფეროსა თუ მიმართულების წარმომადგენლები.
„მიმდინარე დიალოგის“ ფარგლებში, გაიმართება საგნობრივი დისკუსიები არაერთ მნიშვნელოვან საკითხზე როგორც პირისპირ, ასევე, ონლაინ ფორმატში; ისევე როგორც, შესაძლებელი იქნება მაღალი დონის შეხვედრების ჩატარება მონაწილე ქვეყნების აღმასრულებელი და საკანონმდებლო სტრუქტურებში გადაწყვეტილებების მიმღები პირების ჩართულობით. ეს ყოველივე მათ შორის, ხელს შეუწყობს „მიმდინარე დიალოგის“ ფარგლებში შემუშავებული რეკომენდაციების ეფექტურ აღსრულებას.
აღნიშნული პროექტის ფარგლებში, რეგულარულად მომზადდება შესაბამისი ანგარიშები და წინადადებები, რომლებიც მიეწოდება დაინტერესებულ პირებს. პროექტი ხელს შეუწყობს საქართველოსა და ბალტიის ქვეყნების აკადემიური და საჯარო წრეების კიდევ უფრო დაახლოებას და კომუნიკაციის გაუმჯობესებას. შედეგად კი, „მიმდინარე დიალოგი“, იმედია, დადებით გავლენას მოახდენს საქართველოს ლატვიასთან, ლიეტუვასთან და ესტონეთთან ორმხრივი კავშირების განმტკიცებასა და საქართველოსთვის მნიშვნელოვანი საკითხების მიზანმიმართული და სწორი აქცენტებით აქტუალიზაციას ბალტიის რეგიონში“,-აღნიშნულია ინფორმაციაში.
