„ვაგნერის“ ხელმძღვანელი ევგენი პრიგოჟინი - ათიათასობით უკრაინელი ჯარისკაცი მძვინვარედ იგერიებს ბახმუტში თავდასხმებს
რუსული კერძო სამხედრო კომპანიის, „ვაგნერის“ ხელმძღვანელის, ევგენი პრიგოჟინის განცხადებით, უკრაინელები ბახმუტისთვის „მძვინვარედ“ იბრძვიან.
„ათიათასობით უკრაინელი ჯარისკაცი მძვინვარედ იგერიებს თავდასხმებს. სისხლისღვრა ყოველდღიურად მატულობს", - აღნიშნა პრიგოჟინმა.
მისი თქმით, წინსვლისთვის საჭირო საბრძოლო მასალა არ აქვთ.
„იმედი მაქვს, სისტემა მალე დაიწყებს ფუნქციონირებას და რეგულარულად მივიღებთ საბრძოლო მასალას“, - აღნიშნა პრიგოჟინმა.
შეგახსენებთ, რამდენიმე კვირაა ბახმუტისთვის სასტიკი ბრძოლა მიმდინარეობს. უკრაინის სახმელეთო ძალების მეთაურმა, გენერალ ალექსანდრე სირსკიმ ორი დღის წინ განაცხადა, რომ ქალაქის გარშემო ვითარება უკიდურესად დაძაბულია. „მიუხედავად მნიშვნელოვანი დანაკარგებისა, მტერმა იქ „ვაგნერის“ ყველაზე კარგად მომზადებული თავდასხმის ქვედანაყოფები გადაისროლა, რომლებიც ცდილობენ გაარღვიონ ჩვენი ჯარების თავდაცვა და ალყა შემოარტყან ჩვენს ქალაქს“, - აღნიშნა უკრაინის სახმელეთო ძალების მეთაურმა.
