საქართველოს პრემიერ-მინისტრი ირაკლი ღარიბაშვილი საქართველოს სახალხო არტისტის, „ცისფერი ტრიოს" სოლისტისა და ერთ-ერთი დამფუძნებლის, თამაზ სეფერთელაძის გარდაცვალების გამო მწუხარებას გამოთქვამს.
მთავრობის მეთაური თამაზ სეფერთელაძის ოჯახს, მეგობრებსა და კოლეგებს უსამძიმრებს.
„მწუხარებას გამოვთქვამ საქართველოს სახალხო არტისტის, ლეგენდარული „ცისფერი ტრიოს" სოლისტისა და ერთ-ერთი დამფუძნებლის, თამაზ სეფერთელაძის გარდაცვალების გამო. განსაკუთრებული ნიჭისა და მრავალხმიანი სიმღერის დიდი სიყვარულის წყალობით თამაზ სეფერთელაძემ ქართულ სამუსიკო კულტურაში გამორჩეული კვალი დატოვა. ვუსამძიმრებ მის ოჯახს, მეგობრებსა და კოლეგებს", - აღნიშნავს ირაკლი ღარიბაშვილი.