ლევან ბეჟაშვილი - ვხედავთ, რომ „ქართულმა ოცნებამ“ სამარცხვინოდ ჩახერგა დარბაზში შესასვლელი - არ უნდათ ის დისკომფორტი შეიქმნან, რაც ამ განხილვას შეიძლება მოჰყვეს

ვხედავთ, რომ „ქართულმა ოცნებამ“ სამარცხვინოდ ჩახერგა დარბაზში შესასვლელი, არ უნდათ ის დისკომფორტი შეიქმნან, რაც შეიძლება მოჰყვეს ამ განხილვას,- ამის შესახებ „ნაციონალური მოძრაობის“ პოლიტსაბჭოს თავმჯდომარემ, ლევან ბეჟაშვილმა პარლამენტში, ჟურნალისტებთან საუბრისას განაცხადა.

მისივე თქმით, კომიტეტის სხდომაზე შესვლის შესაძლებლობას არავის აძლევენ.

„ვხედავთ, რომ „ქართულმა ოცნებამ" სამარცხვინოდ ჩახერგა დარბაზში შესასვლელი. არავის აძლევენ კომიტეტის სხდომაზე შესვლის შესაძლებლობას. საუბარია, არასამთავრობო და საერთაშორისო ორგანიზაციებზე, ჟურნალისტებზე. ნახეთ, როგორი პიკეტები მოაწყვეს, შეუძლებელია შესვლა მაშინ, როდესაც "ქართული ოცნების" მხარდამჭერებით გავსებულია დარბაზი. არ უნდათ ის დისკომფორტი შეიქმნან, რაც შეიძლება მოჰყვეს ამ განხილვას“, - აღნიშნავს ბეჟაშვილი.

ცნობისთვის, პარლამენტში, სადაც ე.წ. აგენტების შესახებ კანონპროექტების განხილვა უნდა დაიწყოს ფიზიკური შეხლა-შემოხლაა. ორი კომიტეტის გაერთიანებულ სხდომაზე, სადაც აღნიშნული კანონპროექტების განხილვა უნდა დაიწყოს, არასამთავრობო ორგანიზაციის წარმომადგენლებს და ჟურნალისტებს არ უშვებენ. პარლამენტში მისული მოქალაქეები საკომიტეტო სხდომათა დარბაზში შესვლას ითხოვენ და ფიზიკური დაპირისპირება სწორედ ამას მოჰყვა. მათ სცადეს, რომ მანდატურის სამსახურის კორდონი ძალის გამოყენებით გაერღვიათ.

ორი კომიტეტის გაერთიანებული სხდომა თავდაპირველად პირველი რესპუბლიკის სახელობის დარბაზში იყო დანიშნული, თუმცა საკომიტეტო მოსმენის ადგილი შეიცვალა. ახლა სხდომა ჟიული შარტავას დარბაზში უნდა ჩატარდეს, რომელიც უფრო პატარა ზომისაა და გაცილებით ნაკლები ადამიანი ეტევა, ვიდრე პირველი რესპუბლიკის სახელობის დარბაზში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024