მინდა შემოგთავაზოთ და გთხოვოთ, რომ ვიმსჯელოთ დასახელებაზე, - ამის შესახებ „ქართული ოცნების“ დეპუტატმა, ნინო წილოსანმა ე.წ. უცხოური გავლენის აგენტების შესახებ საკანონმდებლო ინიციატივების განხილვისას გაერთიანებული კომიტეტების სხდომაზე განაცხადა.

ნინო წილოსანის თქმით, კანონპროექტის დასახელება მისთვისაც დისკომფორტისა და სერიოზული შფოთვის საგანს წარმოადგენს.

„არ მგონია რომელიმე ჩვენი პარტნიორი ორგანიზაციის, პარტნიორი ქვეყნებიდან წამოსული დაფინანსება ვინმეს დასამალი ჰქონდეს, ამიტომ ტრანსპარანტულობა და გამჭვირვალობა, არ მგონია, ამ კანონის პრობლემა იყოს.

მე მინდა დავასახელო რეალურად რა პრობლემაა და რაზეცაა ძირითადი შფოთვა, ეს არის „უცხოური გავლენის აგენტი“, ამიტომ მე რაც მინდა შემოგთავაზოთ და გთხოვოთ არის ის, რომ ვიმსჯელოთ დასახელებაზე, მივიღოთ იმ დათქმით, რომ ეს დასახელება იყოს ისეთი, რომ მოახდინოს ამ სფეროში მომუშავე უამრავი, მართლა კეთილსინდისიერი ორგანიზაციის, ადამიანის დისკრედიტაცია. ვაყენებ ამ წინადადებას, რომ დასახელებასთან დაკავშირებით, რომელიც ჩემთვისაც გარკვეულ დისკომფორტს და სერიოზულ შფოთვის საგანს წარმოადგენს, იყოს კონსენსუსი“, - განაცხადა ნინო წილოსანი.