„ადვოკატთა ასოციაციის თავმჯდომარე“ ევროკავშირის ელჩს შეხვდა

საქართველოს ადვოკატთა ასოციაციას ევროკავშირის ელჩი, პაველ ჰერჩინსკი და ადამიანის უფლებების, მართლმსაჯულებისა და დონორებთან კოორდინაციის პროგრამის მენეჯერი, ანე ბრიგიტე ჰენსენი ესტუმრნენ. ამის შესახებ ინფორმაციას საქართველოს ადვოკატთა ასოციაცია ავრცელებს.

მათი ცნობით, დიპლომატებს ასოციაციის თავმჯდომარემ დავით ასათიანმა და აღმასრულებელმა დირექტორმა გიორგი ჭეხანმა ახლად აშენებული ოფისი დაათვალიერებინეს და ადვოკატთა ასოციაციის საქმიანობის შესახებ ინფორმაცია მიაწოდეს.

“შეხვედრის ფარგლებში მხარეებმა განიხილეს ადვოკატთა ასოციაციაში მიმდინარე რეფორმები და ევროკავშირის როლი ასოციაციის შემდგომ განვითარებასა და იურიდიული პროფესიის გაძლიერებაში.

მხარეებმა, ასევე, ისაუბრეს მართლმსაჯულების სისტემის რეფორმასთან დაკავშირებულ საკითხებზე და ადვოკატთა ასოციაციის როლზე აღნიშნულ პროცესში. ამასთან, საუბარი შეეხო ევროკომისიის 12 პუნქტიანი რეკომენდაციის შესრულების პროცესსა და ამ მიმართულებით არსებულ გამოწვევებს.

ევროკავშირის ელჩმა ადვოკატთა ასოციაციას მხარდაჭერა აღუთქვა და ურთიერთთანამშრომლობის ის ფორმები მიმოიხილა, რომლითაც ადვოკატთა ასოციაცია და ევროკავშირის წარმომადგენლობა მამავალშიც გააგრძელებენ ერთობლივ მუშაობას, მათ შორის, ევროკავშირის გაფართოების პაკეტის საქართველოს ანგარიშის შედგენის პროცესში ასოციაციის აქტიური ჩართულობის მიმართულებით“,- ნათქვამია გავრცელებულ ინფორმაციაში.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე