ნინო ლომჯარია - კანონის ინიცირება მოხდა იმიტომ, რომ საქართველოსთვის კანდიდატის სტატუსის მინიჭების შანსები ბოლომდე გადაჭრილიყო

ევროკავშირიდან იყო განწყობები, რომ თუ რაღაც პროგრესი იქნებოდა, ჩვენ მოგვცემდნენ სტატუსს და ამ კანონის ინიცირება მოხდა იმიტომ, რომ ეს შანსებიც ბოლომდე გადაჭრილიყო, - ამის შესახებ ყოფილმა სახალხო დამცველმა, ნინო ლომჯარიამ „პალიტრანიუსის“ გადაცემა „პოლიტიკურ სივრცეში“ ე.წ. აგენტების შესახებ კანონპროექტზე საუბრისას განაცხადა.

ნინო ლომჯარიას მტკიცებით, მისთვის ამ კანონისთვის ხმის მიცემა სინამდვილეში არის ევროინტეგრაციის და ევროატლანტიკური ინტეგრაციის საწინააღმდეგოდ ხმის მიცემა.

„ახლა არის ადამიანის უფლებებისთვის და დემოკრატიისთვის გადამწყვეტი ბრძოლა, ჩვენ ამ კანონის მიღების შემდეგ აღარ ვიქნებით დემოკრატიული სახელმწიფო, ეს არის წყალგამყოფი, ვიქნებით დემოკრატიული რესპუბლიკა თუ ვიქნებით ავტორიტარიზმი. ნებისმიერ ადამიანს, რომელსაც აქვს ამბიცია, რომ გახდეს სახალხო დამცველი, ვფიქრობ, რომ მისთვის დღეს პირველი ამოცანა უნდა იყოს ამ კანონის წინააღმდეგ ხმალამოღებული ბრძოლა“, - განაცხადა ნინო ლომჯარიამ.

ნინო ლომჯარიას თქმით, თუ აღნიშნული კანონი იქნება მიღებული, დონორი ორგანიზაციები საქართველოდან საერთოდ გავლენ და მინიმუმამდე დავა საერთაშორისო დახმარება.

„სამოქალაქო საზოგადოების მხარდაჭერა არის ძალიან მცირე ნაწილი იმისა, რასაც სხვა ქვეყნის ხელისუფლებები საქართველოს გამოუყოფენ, ძირითადი დახმარებები მიემართება ბიუჯეტში და სახელმწიფო ინსტიტუტებზე. ეს ორგანიზაციები აღარც სახელმწიფო ინსტიტუტებს არ დააფინანსებენ. შენ თუ მათ გამოუცხადებ, რომ შენი ფინანსები, რაც მიდის სამოქალაქო საზოგადოებისთვის, ეს არის ჩემს მიმართ მტრულად განწყობილი აგენტურული საქმიანობა, რომელი თავმოყვარე საერთაშორისო საზოგადოება დააფინანსებს ასეთ ხელისუფლებას? USAID-ს რომ ეუბნები, რომ აგრარულ სექტორში ააიპ-ებს რომ აფინანსებ, ეს არის შენი აგენტურული საქმიანობა, ამას აღარ დააფინანსებს და დააფინანსებს შპს-ებს? დარწმუნებული ვარ საერთოდ მინიმუმამდე დავა საერთაშორისო დახმარება და საერთოდ გავლენ აქედან დონორი ორგანიზაციები და ხელს ჩაიქნევენ“, - განაცხადა ნინო ლომჯარიამ.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო