ესტონეთის საგარეო საქმეთა მინისტრი აცხადებს, რომ ნატოში უკრაინის წევრობის ერთადერთი ალტერნატივა მისი ბირთვული სტატუსია

ნატოში უკრაინის წევრობის ერთადერთი ალტერნატივა მისი ბირთვული სტატუსია. ამის შესახებ ესტონეთის საგარეო საქმეთა მინისტრმა ურმას რეინსალუმ ამერიკულ გამოცემა Newsweek-თან ინტერვიუში განაცხადა.

“თუ ვიტყვით, რომ ამ ომის შემდეგ უკრაინას ნატოს წევრად არ ვხედავთ, ეს იმის ნიშანი იქნება, რომ გვეშინია ან ვპროგნოზირებთ, რომ რუსეთი კვლავ დაესხმება თავს, და მაშინ ნატოს ქვეყნები მსოფლიო ომში იქნებიან ჩართულნი, ან, როგორც მინიმუმ, ევროპული კონტინენტისთვის ომში. ეს უკვე იმის აღიარებაა, რომ ფართომასშტაბიანი ომი გამეორდება”, - თქვა რეინსალუმ.

მან უკრაინის ალიანსში წევრობის ნებისმიერი ალტერნატივები უარყო და აღნიშნა, რომ დასავლეთის უსაფრთხოების ქოლგის მიღმა დატოვება კიევს გაურკვევლობაში დატოვებს და ქვეყნის აღდგენის პროცესს ძირს გამოუთხრის.

“რა აზრი აქვს ნატოს კოპირების მცდელობებს, თუ მკაფიოდ აღნიშნავთ, რომ ეს ნატო არ არის? ეს ნახევრად-ნატოს ჰგავს. ასეთ კოპიას დიდი ეჭვით მივუდგებოდი. სიმართლე გითხრათ, ერთადერთი გარანტია, ნატოს გარდა, უკრაინისთვის ბირთვული იარაღის მიწოდება იქნებოდა”, - თქვა რეინსალუმ.

ამავდროულად მან აღნიშნა, რომ ალიანსის ქვეყნების ბირთვული იარაღის გაუვრცელებლობის ვალდებულებების გათვალისწინებით, ასეთი ნაბიჯი არასასურველი და შეუძლებელი იქნებოდა.

“წარმოიდგინეთ, რომ ომის შემდეგ უკრაინას არ მივცემთ გარანტიებს, რომლებსაც მე-5 მუხლი ითვალისწინებს. ასე უკრაინას წავახალისებთ საკუთარი თავდაცვა “ზღარბის” სტრატეგიით ააწყოს, როგორც ველურ დასავლეთში, შაშხანებით თავის ფორტში იდგეს და რუსეთს ელოდებოდეს. ვფიქრობ, ეს ევროპის შუაგულში “რუხ ზონას” გააჩენს”, - თქვა რეინსალუმ.

ნატალი საბანაძე - ევროკავშირის გაფართოების საკითხი 15 დეკემბერს რომ ჩავარდეს, პუტინისთვის გადასარევი საახალწლო საჩუქარი იქნება - რთული სათქმელია, ორბანი პირდაპირ იღებს თუ არა დაკვეთებს, მაგრამ ფაქტია, რომ რუსეთთან რაღაც ინტერესების თანხვედრაა
ქართული პრესის მიმოხილვა 07.12.2023
კახა გოგოლაშვილი - გალის კონფლიქტების პრევენციის ფორმატი რუსეთს აფხაზეთსა და საქართველოს შორის სახმელეთო სატრანზიტო კორიდორის აღდგენისა და საქართველოსა და რუსეთს შორის ვაჭრობის გაზრდისთვის სჭირდება
თორნიკე კორძაია - „ლიბერთის“ მთავარი ძალა ჩვენიანებშია!
„ვისოლ ჯგუფმა“ დღეს ერთდროულად „საბვეის“ კიდევ 3 რესტორანი გახსნა
„ევექსის“ ბავშვთა ნეიროგანვითარების ცენტრი „კარავი“ გაიხსნა
ტექტო ჯგუფი: ISO სერტიფიკატის მფლობელი სამშენებლო კომპანია
ზუმერმა Trade-In წარადგინა