Quad-ის ჯგუფის საგარეო მინისტრები - ბირთვული იარაღის გამოყენებასთან დაკავშირებით რუსეთის მუქარა მიუღებელია
ე.წ. Quad-ის ჯგუფის საგარეო საქმეთა მინისტრები აცხადებენ, რომ უკრაინის ომში ბირთვული იარაღის გამოყენებასთან დაკავშირებით რუსეთის მუქარა მიუღებელია.
ნიუ-დელიში გამართული შეხვედრის შემდეგ გავრცელებულ განცხადებაში ასევე აღნიშნულია, რომ ისინი სამხრეთ ჩინეთის ზღვაში დაძაბულობის გაზრდისკენ მიმართული ნებისმიერი ქმედებების წინააღმდეგი არიან და გამოთქმულია შეშფოთება სადავო ტერიტორიების „მილიტარიზაციის“ გამო.
ე.წ. Quad-ის ჯგუფში შედის ინდოეთი, ავსტრალია, იაპონია და შეერთებული შტატები.
