სპეციალური საგამოძიებო სამსახურის გამომძიებელმა წინასწარი მოთავსების იზოლატორში გუშინდელ აქციაზე დაკავებული ერთი პირი მოინახულა

სპეციალური საგამოძიებო სამსახურის გამომძიებელმა ირაკლი კაჭკაჭიშვილმა დიღომში, წინასწარი მოთავსების იზოლატორში გუშინდელი აქციის მიმდინარეობისას დაკავებული ერთი პირი მოინახულა. როგორც გამომძიებელმა აღნიშნა, პირმა, რომელიც მან მოინახულა ძალადობის ფაქტი უარყო.

ირაკლი კაჭკაჭიშვილის თქმით, სპეციალურ საგამოძიებო სამსახურში შესულ ყველა შეტყობინებაზე ხდება დროული და ეფექტური რეაგირება.

„შეტყობინება შემოვიდა ჩვენთან აქციაზე დაკავებულ ერთ-ერთ პირთან დაკავშირებით და გასაუბრება ჩავატარე ერთ პირთან, რომელმაც უარყო ძალადობის ფაქტი. მიმდინარე რეჟიმში ნებისმიერ შეტყობინებაზე, რაც ჩვენთან შემოდის, ტარდება დროული და ეფექტური რეაგირება“,- განაცხადა კაჭკაჭიშვილმა.

ამასთან, როგორც გამომძიებელმა აღნიშნა, მას ჟურნალისტების დაკავებასთან დაკავშირებით ინფორმაცია არ აქვს, თუ მსგავსი ინფორმაცია სპეციალურ საგამოძიებო სამსახურში შევა, ამაზეც იქნება რეაგირება.

„თუ არის ჩვენს სამსახურში ჟურნალისტებთან დაკავშირებით შეტყობინება, რეაგირებაც მოხდება, მე პირადად არ მაქვს. თუ არის გავრცელებული ეს ინფორმაცია იქნება რეაგირება, მე პირადად არ მაქვს, ამიტომ დეტალებზე ვერაფერს ვერ გეტყვით“,- განაცხადა გამომძიებელმა.

ცნობისთვის, გავრცელდა ინფორმაცია, რომ ერთ-ერთ დაკავებულ პირთან დაკავშირებით ძალადობის ფაქტი დაფიქსირდა.

შეგახსენებთ, რომ საქართველოს პარლამენტთან, ე.წ. უცხოური გავლენის აგენტების კანონპროექტების წინააღმდეგ მიმდინარე აქციაზე ადმინისტრაციულ სამართალდარღვევათა კოდექსის 173-ე და 166-ე მუხლების საფუძველზე 36 პირი დააკავეს. მოგვიანებით 7 პირი გათავისუფლდა, შესაბამისად, ამ დრომდე ადმინისტრაციულ პატიმრობაში 29 ადამიანი რჩება. დაკავებულების მიმართ ადმინისტრაციული სახდელის დადებაზე თბილისის საქალაქო სასამართლო იმსჯელებს.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
„საქკაბელმა“ ენერგეტიკულ გამოფენაზე ახალი პროდუქცია წარადგინა
მედიაჰოლდინგ „ჯორჯიან თაიმსის” ბიზნეს რეიტინგის XXIII დაჯილდოების ცერემონიაზე PSP-მ 3 ჯილდო მიიღო
GM PHARMA-ს მორიგი აღიარება და საერთაშორისო PIC/S GMP სერტიფიკატი