მაკა ბოჭორიშვილი - რასაც დღეს უკრაინაში ვხედავთ იგივე პოლიტიკის გაგრძელებაა, რაც რუსეთმა საქართველოში გამოიყენა

საქართველოს პარლამენტის დელეგაციამ ევროკავშირის ერთიანი საგარეო და უსაფრთხოების პოლიტიკისა (CFSP) და ერთიანი უსაფრთხოებისა და თავდაცვის პოლიტიკის (CSDP) საპარლამენტთაშორისო კონფერენციაში მიიღო მონაწილეობა. ამის შესახებ ინფორმაციას პარლამენტის პრესსამსახური ავრცელებს.

მათი ცნობით, კონფერენციაზე სიტყვით გამოსვლებისას, დელეგაციის ხელმძღვანელმა, მაკა ბოჭორიშვილმა ევროპაში უსაფრთხოების გამოწვევებზე, რუსეთის მიერ საქართველოს ტერიტორიების ოკუპაციაზე და მშვიდობისა და უსაფრთხოების უზრუნველსაყოფად საერთაშორისო საზოგადოების ერთიანობისა და საერთო ძალისხმევის მნიშვნელობაზე ისაუბრა.

„რუსეთის აგრესიამ უკრაინის წინააღმდეგ ცხადყო, რომ ევროპული უსაფრთხოების უზრუნველყოფა შეუძლებელია მის აღმოსავლეთ სამეზობლოში მშვიდობისა და უსაფრთხოების უზრუნველყოფის გარეშე.

ეჭვგარეშეა, უსაფრთხოება და ერთიანობა ევროპის უმთავრესი სტრატეგიული პრიორიტეტია, თუმცა იმისთვის რომ იმ აგრესიას გავუმკლავდეთ, რომელიც სრულიად ევროპულ უსაფრთხოებას ემუქრება, უნდა გვახსოვდეს, რომ ის რასაც დღეს უკრაინაში ვხედავთ იგივე პოლიტიკის გაგრძელებაა, რაც რუსეთმა საქართველოში გამოიყენა", - განაცხადა მაკა ბოჭორიშვილმა.

საქართველოს დელეგაციის ხელმძღვანელმა ხაზი გაუსვა საქართველოს, უკრაინისა და მოლდოვას ევროკავშირში გაწევრიანების განაცხადს, რაც ცხადად გამოხატავს სამივე ქვეყნის სურვილს იყვნენ ევროპული ოჯახის ნაწილი. „ევროკავშირმა დაუყოვნებლივ უნდა დაიწყოს საქართველოს, უკრაინის და მოლდოვას ევროკავშირში ინტეგრაციის პროცესი და აჩვენოს, რომ არის გეოპოლიტიკური მოთამაშე, - განაცხადა მაკა ბოჭორიშვილმა.

პარლამენტის ინფორმაციით, ევროკავშირის უსაფრთხოებისა და თავდაცვის საკითხებზე საპარლამენტთაშორისო კონფერენცია ევროკავშირის საბჭოს თავმჯდომარეობის ფარგლებში 2012 წლიდან ტარდება, სადაც მონაწილეობენ ევროპარლამენტარები, ევროკავშირის 27 წევრი სახელმწიფოსა და კანდიდატი ქვეყნების ეროვნული პარლამენტების შესაბამისი წევრები და ასევე, ევროკავშირის ინსტიტუტების მაღალი რანგის წარმომადგენლები. საქართველოს დელეგაცია ევროკავშირის თავმჯდომარე ქვეყნის, შვედეთისა და საპრეზიდენტო ტრიოს მიერ პირველად იქნა მიწვეული.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს