ევროპარლამენტის პრეზიდენტი, რობერტა მეცოლა უკრაინაში ჩავიდა, - ამის შესახებ ინფორმაციას რობერტა მეცოლა „ტვიტერზე“ ავრცელებს. ევროპარლამენტის პრეზიდენტი წერს, რომ უკრაინელების ადგილი ევროკავშირშია.

„კარგია უკრაინაში დაბრუნება. ამ მამაც ადამიანებთან, რომლებმაც შთააგონეს მსოფლიო. გმირებთან, რომლებიც უარს ამბობენ დანებებაზე. მათთან, ვინც შესწირეს ყველაფერი ჩვენი ღირებულებებისთვის. ევროპელებთან, რომელთა სახლი ევროკავშირია", - წერს მეცოლა.

მისივე ინფორმაციით, უკრაინაში უმაღლესი რადას თავმჯდომარეს, რუსლან სტეფანჩუკს შეხვდა.

„უკრაინის მომავალი ევროკავშირის წევრია. ჩვენ მთელ გზას თქვენთან ერთად ვივლით. სასიამოვნოა ჩემს მეგობართან, რუსლან სტეფანჩუკთან კვლავ შეხვედრა. ევროპარლამენტსა და უკრაინის პარლამენტს შორის თანამშრომლობა მხოლოდ გაძლიერდება“, - წერს რობერტა მეცოლა.