ანა ნაცვლიშვილი - არასწორად მიმაჩნია პოლიტიკოსი, პოლიტიკაში აქტიურად მყოფი ადამიანი ნომინირდებოდეს სახალხო დამცველად

„ლელოს“ ერთ-ერთი ლიდერის ანა ნაცვლიშვილის განცხადებით, სახალხო დამცველის პოსტზე ლევან იოსელიანის კანდიდატურას მხარს არ დაუჭერს.

როგორც მან ჟურნალისტებს განუცხადა, სამოქალაქო საზოგადოების პროცესიდან გარიყვა და მოქმედი პოლიტიკოსის ომბუდსმენობის კანდიდატად დასახელება, არასწორად მიაჩნია.

„მიმაჩნია, რომ სერიოზული ცინიზმია, როდესაც ერთი მხრივ, პარლამენტი დგამს ნაბიჯს, რომ ფიზიკურად გააქროს სამოქალაქო სექტორი და ასეთ კანონს იღებს. მეორე მხრივ, მთავარი პერსონაჟის არჩევას აპირებს, რომელიც სამოქალაქო საზოგადოების ხმა და უფლებების დამცველი უნდა იყოს. ეს ორი ერთმანეთთან როგორ თავსდება, ვერ გეტყვით. მე ღიად განვაცხადე, რომ ლევან იოსელიანის კანდიდატურას მხარს არ დავუჭერ, განსაკუთრებით იმ ფონზე, როდესაც ხელისუფლება მხარს უჭერს კანონს და ამ პროცესში მთლიანად გადახაზა მან სამოქალაქო საზოგადოება. სამოქალაქო საზოგადოებასთან ნულოვანი კონსულტაციები, მათი პროცესიდან გარიყვა და მოქმედი პოლიტიკოსის დასახელება, ორმაგად არასწორად მიმაჩნია გარდა იმისა, რომ ზოგადად, არასწორად მიმაჩნია პოლიტიკოსი, პოლიტიკაში აქტიურად მყოფი ადამიანი ნომინირდებოდეს სახალხო დამცველად“,-განაცხადა ნაცვლიშვილმა.

ცნობისთვის, პარლამენტის ადამიანის უფლებათა დაცვის კომიტეტი, 6 მარტის სხდომაზე, სახალხო დამცველის პოსტზე წარდგენილ ლევან იოსელიანის კანდიდატურას განიხილავს.

იოსელიანი ომბუდსმენის თანამდებობაზე ასარჩევად პარლამენტს პოლიტიკურმა ჯგუფმა "მოქალაქეები" შესთავაზა და მას საპარლამენტო ოპოზიციის ნაწილი მხარდაჭერას უცხადებს.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო