გიგი წერეთელი - სხვა ალტერნატივას ხელისუფლება არ ტოვებს გარდა იმისა, რომ საზოგადოებამ გამოხატოს პროტესტი

თუ ესენი (მმართველი ძალა) მიიღებენ კანონს და ძალის დემონსტრირებას მოახდენენ, გამოიწვევენ ძალიან მაღალი ტემპერატურის პროტესტს, - ამის შესახებ „ევროპული საქართველოს“ პოლიტსაბჭოს თავმჯდომარე გიგი წერეთელმა პარლამენტთან მიმდინარე საპროტესტო აქციაზე, "ინტერპრესნიუსს" განუცხადა.

მისი თქმით, ხელისუფლებას ხალხის პროტესტის უნდა ეშინოდეს.

"საზოგადოებას უკვე კარგად უნდა ჰქონდეს აღქმული თუ რა კანონზეა საუბარი. აბსოლუტურად ტყუილი და ფარსია, რომ რაიმე ზედმეტი ტრანსფარანტულობა სჭირდება რომელიმე ფინანსურ პროექტს ან გრანტს, ან დახმარებას, რომელსაც იღებს ორგანიზაციები და არასამთავრობო სექტორი. ახლა რაც ხდება არის კონტროლის გამკაცრება, სრული კონტროლის დამყარება და შექმნა ისეთი ვითარების, როდესაც სამოქალაქო საზოგადოება ან შეეგუება პროცესს და მოახდენს მორჩილად დარეგისტრირებას ამ რუსულ კანონში, ან შეწყვეტს მოქმედებას, ან დატოვებს ქვეყანას - ამ არჩევანს დაუტოვებს, ისევე, როგორც ეს მოხდა რუსეთში.

სხვა ალტერნატივას ხელისუფლება არ ტოვებს გარდა იმისა, რომ საზოგადოებამ გამოხატოს პროტესტი და მე ვფიქრობ, რომ თუ ესენი მიიღებენ კანონს და ძალის დემონსტრირებას მოახდენენ და ამით მობილიზებას და ორგანიზებას უკეთებენ ისევ თავის ამომრჩეველს, რადგან მათ არ უნდათ დაინახონ სისუსტე მმართველი ძალის, შესაბამისად გამოიწვევენ ძალიან მაღალი ტემპერატურის პროტესტს. ჩვენ გვახსოვს "გავრილოვის ღამე", 5 ივლისი და ა.შ. ხელისუფლებას ხალხის პროტესტის ყველანაირი გაგებით უნდა ეშინოდეს, რადგან მათი ამ შენობებში ყოფნის არის ისევ ეს ხალხი", - განაცხადა წერეთელმა.

შეგახსენებთ, რომ პარლამენტის იურიდიულ საკითხთა კომიტეტის სხდომაზე “უცხოური გავლენის გამჭვირვალობის შესახებ“ კანონის პროექტის და ასევე, “უცხოელი აგენტების რეგისტრაციის შესახებ“ კანონპროექტის პირველი მოსმენით განხილვა მიმდინარეობს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024