ჯანმრთელობისა და სოციალურ საკითხთა კომიტეტმა „ქალთა ეკონომიკური გაძლიერების სახელმწიფო კონცეფციის" შესახებ დადგენილების პროექტზე იმსჯელა

პარლამენტის პრესსამსახურის ცნობით, ჯანმრთელობისა და სოციალურ საკითხთა კომიტეტმა „ქალთა ეკონომიკური გაძლიერების სახელმწიფო კონცეფციის" შესახებ დადგენილების პროექტზე იმსჯელა.

ინფორმაციის თანახმად, კომიტეტმა დადგენილების პროექტს მხარი დაუჭირა.

„როგორც გენდერული თანასწორობის საბჭოს თავმჯდომარე ნინო წილოსანმა განაცხადა, ქალთა ეკონომიკური გაძლიერების კონცეფცია სრულად გამომდინარეობს საქართველოს გენდერული თანასწორობის სახელმწიფო კონცეფციიდან, რომლისთვისაც ქალთა ეკონომიკური გაძლიერება მნიშვნელოვანი პრიორიტეტია.

„ქალთა ეკონომიკური გაძლიერების სახელმწიფო კონცეფცია მიზნად ისახავს საქართველოში არსებული სპეციფიკური გენდერული თანასწორობის გამოწვევების გათვალისწინებით, ქალთა ეკონომიკური გაძლიერების ჩარჩოს ჩამოყალიბებას, რომელიც ითვალისწინებს ღონისძიებებს ინდივიდუალურ, საზოგადოებრივ, კერძო პრაქტიკისა და სახელმწიფო ინსტიტუტების დონეზე", - განაცხადა ნინო წილოსანმა.

დოკუმენტი ეყრდნობა, ერთი მხრივ, გაეროს ქალთა ორგანიზაციის საქართველოს ოფისის მიერ გამოქვეყნებულ პუბლიკაციებს და კვლევებს და, მეორე მხრივ, „გენდერული თანასწორობა საქართველოში: ბარიერები და რეკომენდაციები" განახლებულ გამოცემაში არსებულ რეკომენდაციებს“,-ნათქვამია ინფორმაციაში.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს