ამერიკის შეერთებულმა შტატებმა რამდენიმე რუს დიპლომატს, რომლებიც აპირებდნენ მონაწილეობა მიეღოთ გაერო-ს შტაბ-ბინაში საინფორმაციო და საკომუნიკაციო ტექნოლოგიების სამუშაო ჯგუფის საქმიანობაში, ვიზებიც გაცემაზე უარი უთხრა.

ამის შესახებ რუსულ მედიას რუსეთის წარმომადგენელმა ირინა ტიაჟლოვამ ჯგუფის შეხვედრაზე განუცხადა.

„კიდევ ერთხელ, შეერთებულმა შტატებმა, უსაფუძვლოდ და გამომწვევად, უარი თქვა ვიზების გაცემაზე რუსეთის უწყებათაშორისი დელეგაციის ცალკეულ წევრებზე. ასეთი ნაბიჯი ადრეც გადაიდგა მისი ხელმძღვანელის წინააღმდეგ. ეს არის ვაშინგტონის მიერ გაერო-ს შტაბ-ბინის მუშაობის უზრუნველყოფის ვალდებულების უხეში დარღვევა“, - განაცხადა ტიაჟლოვამ.