“ენერგო-პრო ჯორჯიას“ ინფორმაციით, გამანაწილებელ ქსელში დაგეგმილი სარეაბილიტაციო სამუშაოების გამო აბონენტების ნაწილს ენერგომომარაგება დროებით შეეზღუდება.

„7 მარტს 10:10-დან 18:30 საათამდე აბონენტებს გლდანის მასივის ტერიტორიაზე, სოფელ გლდანსა და გიორგიწმინდაში ელექტროენერგიის მიწოდება შეუწყდებათ. ასევე, 11:00-დან 17:00 საათამდე დუშეთის რაიონის სოფლებში: წითელსოფელი, ჩანადირთკარი, აბანოსხევი, საკრამული, ბულაჩაური, მლაშე, ქუბრიაანი, საშაბურო და მიმდებარე სოფლებში.

12:00-დან 13:00 საათამდე დენი გაეთიშებათ აბონენტებს მცხეთის მუნიციპალიტეტის სოფელ საგურამოსა და წიწამურში, 13:00-დან 14:00 საათამდე - აბონენტებს მისაქციელში და ბურიანში, ხოლო 15:00-დან 16:00 საათამდე - აბონენტებს სოფლებში წეროვანი, ჩარდახი, გოროვანი, ჩარდახი, სხალტბა, მუხრანი.

12:00-დან 15:00 საათამდე ელექტროენერგიის მიწოდება შეუწყდებათ მომხმარებლებს ყაზბეგის რაიონის სოფლებში გველეთი, დარიალი, ლარსი“, - აღნიშნულია ინფორმაციაში.

„ენერგო-პრო ჯორჯიას“ ცნობით, სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.