დავით ბაქრაძე - ეს არის კანონი, რომლის მიღების შემთხვევაშიც საქართველო დარჩება ევროკავშირის და ნატო-ს გარეთ, დარჩება ჩაძირული დაპირისპირების და ზიზღის ჭაობში, მყარად მიჯაჭვული რუსულ ორბიტაზე

ე.წ. აგენტების კანონი მიღების შემთხვევაში მოიტანს მეტ დაპირისპირებას და ერთმანეთის ზიზღს ქართულ საზოგადოებაში, ვისაც არ ახსოვს, შევახსენებ 90- ანი წლების ძმათამკვლელ უბედურებას, საქართველოს ჩაეკეტება გზა ევროკავშირისკენ და ნატო-სკენ,- ამის შესახებ ჟურნალისტებთან ოპოზიციონერმა დეპუტატმა დავით ბაქრაძემ განაცხადა.

როგორც მან აღნიშნა, მსგავსი კანონი ქვეყანას რუსულ ორბიტას მიაჯაჭვავს.

„ახირების გამო ეს ქვეყანა კარგავს ევროპული მომავლის პერსპექტივას და თითოეული ოჯახი საქართველოში კარგავს ნორმალურად ცხოვრების შანსს. დიახ, ეს არის რუსული კანონი, რომლის მიღების შემთხვევაშიც საქართველოს ჩაეკეტება გზა ევროკავშირისკენ და ნატო-სკენ და ამას მკაფიოდ გვეუბნება ყველა ჩვენი პარტნიორი. ეს არის კანონი, რომელიც მოიტანს მეტ დაპირისპირებას და ერთმანეთის ზიზღს ქართულ საზოგადოებაში და ვისაც არ ახსოვს, შევახსენებ 90-იანი წლების ძმათამკვლელი უბედურება, მათ შორის, დაიწყო სწორედ ერთმანეთის მიმართ ასეთი სახელების და აგენტების ძახილით. ასე რომ, ეს არის კანონი, რომლის მიღების შემთხვევაშიც საქართველო დარჩება ევროკავშირის და ნატო-ს გარეთ, დარჩება ჩაძირული დაპირისპირების და ზიზღის ჭაობში, მეგობრების გარეშე და მყარად მიჯაჭვული რუსული ორბიტაზე. ეს არის ლაკმუსის ქაღალდი ჩვენი ხვალინდელი დღისთვის. მადლობა თითოეულ ადამიანს, ვინც აპროტესტებს მას და მიმაჩნია, რომ ამ კანონის წინააღმდეგ ბრძოლა არის მთელი საზოგადოების ამოცანა“, - განაცხადა ბაქარაძემ.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად