ITB Berlin-ის გამოფენის ფარგლებში დღეს, სათავგადასავლო ტურიზმის პავილიონს აჭარის მთავრობის თავმჯდომარე გახსნის
ITB Berlin-ის გამოფენის ფარგლებში დღეს, სათავგადასავლო ტურიზმის პავილიონს აჭარის მთავრობის თავმჯდომარე, თორნიკე რიჟვაძე გახსნის და საერთაშორისო საზოგადოებას საქართველოს, აჭარის ტურისტულ და საინვესტიციო შესაძლებლობებს გააცნობს.
აჭარის მთავრობის პრესსამსახურის მიერ გავრცელებული ინფორმაციით, ITB Berlin 2023 ქართული გალა-კონცერტით საზეიმოდ გაიხსნა. ბერლინის საერთაშორისო ტურისტულ გამოფენაზე საქართველო მასპინძელი ქვეყანაა. მსოფლიოს ყველაზე მასშტაბურ ტურისტულ ღონისძიებაზე საქართველო მსოფლიოს 180 ქვეყნიდან სტუმრებს აცნობს ჩვენს კულტურას, ისტორიას, ტრადიციებს, ასევე, ქვეყნის თანამედროვეობას.
მათივე ცნობით, ბერლინის ტურისტულ გამოფენაზე საქართველოს ტურიზმის ეროვნული ადმინისტრაცია აჭარის ტურიზმისა და კურორტების დეპარტამენტთან, თბილისის მერიასთან, ტურისტულ ასოციაციებთან, დანიშნულების ადგილის მართვის ორგანიზაციებთან ერთად არის წარმოდგენილი.
v-if="article.gallery" v-html="article.gallery"
