ავსტრალიის აღმოსავლეთ ნაწილში ტყის ხანძარს ებრძვიან. ადგილობრივი მედიის ინფორმაციით, ახალი სამხრეთ უელსის შტატში ცეცხლის გაჩენა ცხელმა ზაფხულმა და ჰაერის ტემპერატურის მატებამ გამოიწვია.

ამ დროისათვის შტატში ჰაერის ტემპერატურა 40 გრადუს ცელსიუსს აღემატება. მედიის ცნობით, არსებობს საფრთხე, რომ ხანძრის არეალი გაიზარდოს და დასახლებულ პუნქტებამდეც მიაღწიოს.

ავსტრალიის მეტეოროლოგიური ბიუროს ინფორმაციით, ცხელი და უნალექო დღეები ავსტრალიაში მომდევნო დღეებშიც გაგრძელდება.