ბელარუსის ხელისუფლება აცხადებს, რომ ბელარუსის აეროდრომზე დივერსიის მცდელობის გამო უკრაინული „ტერორისტული ჯგუფი“ დააკავეს, რომელიც კიევის სადაზვერვო სამსახურებთან მუშაობდა.

გასულ თვეში ბელარუსმა ანტისამთავრობო აქტივისტებმა განაცხადეს, რომ ბელარუსის დედაქალაქ მინსკთან ახლოს აეროდრომზე დრონით თავდასხმის შედეგად A-50 ტიპის რუსული სადაზვერვო თვითმფრინავი ააფეთქეს.

კერძოდ, თავდასხმაზე პასუხისმგებლობა ბელარუსის ანტისამთავრობო ორგანიზაცია BYPOL-ის ლიდერმა, ალექსანდრ აზაროვმა აიღო.